Cultura salentina, Poesia

Su’ turnatu allu molu

di Pierluigi Camboa

foto di Mauro Minutello

Su’ turnatu allu molu
Mo ci sta trase ‘u ‘iernu,
Alle prime luci de l’arba,
Frattantu ca ‘e marine
Stannu sule e scunsulate
E l’ombre cupe e ‘llungate
De l’urtimi ‘mbrelloni ‘bbandunati,
Scutiscjiati du vientu de tramuntana,
‘Ttaccati culla corda e ‘nturtijiati,
Te ‘ncupane ‘u core a malescjiana.

L’onde ‘ncarizzane ‘a rena cinnerina,
Su ‘na spiaggia divina, ‘sta matina.
E an tra tutta ‘sta ‘ntussecata dojia
Do’ cabbiani cridazzani an volu
Facune strani surchi ‘ntru celu,
Comu ‘nu mesciu de matematica
Ca disegna su ‘a lavagna ‘na parabbula.
Sta cercu mestu e disperatu ‘u sule
Arretu stu fronte fittu de nule,
Ma sta ci chiove a celi ‘perti.

Su ‘u rosone da cattitrale
E puru ‘ntru patiu da curia:
‘U maletiempu de tre giurni ‘nfuria
E ‘ulia tantu cu pulizzu l’orizzonte
Cullu fiatu o culle dìcite di mani,
Cu visciu ‘ntorna de luntanu spuntare
Quiru maggicu ‘lluminatu ponte,
Ca fice me batte forte forte ‘u core
E comu ‘nu ninu me fice zzumpare
Am brazzu all’àncilu beddru de l’amore.

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione /  Modifica )

Google+ photo

Stai commentando usando il tuo account Google+. Chiudi sessione /  Modifica )

Foto Twitter

Stai commentando usando il tuo account Twitter. Chiudi sessione /  Modifica )

Foto di Facebook

Stai commentando usando il tuo account Facebook. Chiudi sessione /  Modifica )

Connessione a %s...