Poesia, Poesie

Arunca vai

di Pierluigi Camboa

© Giuseppe Diso: Copia di Figura (olio su tela, cm 60×100, 2010)

Arunca vai,

Sacci ca vegnu puru ieu.

‘U sule ‘ntraversia ‘na spera de cristallu

E l’arcubbalenu sta ci subbissa de luce

De mille culuri quiru ‘nticu, strazzatu

E chinu ‘e prule librettu di sonni

A su quiru commodinu arunca

Sta ci dorme ‘na mila smuzzacata

Culla purpa ‘menza ‘rrugginuta.

Arunca vai,

Sacci ca ieu te secutu, pocca,

Alli caminaturi stritti stritti

A menzu a tutti quiri cuti pizzuti

Da scujiera salentina,

O, cull’occhiu persu e vacante,

A menzu a quiru viale di cipressi.

Cu ‘nu vasettu de fiuri de campu

Susu ‘u taulu cranne du salottu,

O culli mmiscamenti mmiscati

De l’umbre du profilu tou

C’aggiu pittatu mille e stramille fiate,

Cull’acquereddru o cullu crauncinu,

Su diecine e diecine de albi de disegnu.

Collu nume tou stampatu cullu dicitu

A susu ‘u vitru ummidu da finescia,

Mentre an tra ll’aria se ci se spanne

‘Nu ‘ndoru finu finu e ‘cutu ‘cutu de spina ruta,

Ddru bellu fiuru giallu ca chiamane ginescia.

Arunca vai,

Sacci ca vegnu puru ieu,

Puru ca te azzi an volu an celu,

Susu all’ale longhe de ‘nu cristareddru,

Ca ‘ncora me pinzava

Ca era ‘nu Cristu piccinneddru,

Percé ieu ‘ncora de veru nu’ sapìa

Ca ‘nvece era nu’ ‘ceddru,

Cranne e rapace puru

Cullu pizzu longu e tortu

E l’ale cranni, spamentose,

Sia puru cu’ quiru nume

Cussì sempaticu e careddru.

Arunca vai,

Sacci ca ieu ‘oiu stau cu ssignurìa,

Nu’ sulu a menzu a ‘na via, ma puru

Ci te mini an funnu an funnu an mare,

‘Ttaccata alla pinna de ‘nu turfinu,

Ca ieu de notte, a mmenzu a le lampare,

Me mintu canna e maschera e me tuffu,

An tra quira ventre niura de l’abbissu,

A menzu ‘e cernie e le murene

E l’aliche spiancate alla currente.

Arunca vai,

Sacci ce ieu te vegnu arretu arretu,

Puru ca stau luntanu mille mijia,

Ma an tra llu coure meu e alli pinzieri,

Te tegnu ‘ncarizzata comu a n’acchiatura,

Comu ‘nu vagnuneddru ca secuta

L’acrobbati du circulu alla via

E le cridate loru culla ‘ucca ‘perta,

Cullu tendone maggicu

‘Zzatu bellu e de carbu ‘ntru parcu,

Arretu ‘u spazziu da fera de Santu Vitu.

E la ficura tua ca ci se stajia beddra,

Nitita e chiara all’urizzonte

E l’universu se move all’aria chianu chianu,

Comu a ‘n aquilone cuidatu culla manu,

Frattantu ca ‘e striddre

Brillane an celu a ‘ntermittenzia

Comu ‘an tra ‘nu film de fantascienzia,

Chinu de mostri cresti e de astrunavi,

Quire ca te ‘mparuavi cuannu te le sunnavi,

De facce ‘mare ‘mare ca sta ci ‘spettane ‘a morte,

O sta ci sperane, ttrova, pe’ ‘na cchiù meju sorte.

Arunca vai

Sacci ca quiru ede puru ‘u tracuardu meu,

Percé pe’ mie tie sinti quiru àncilu cileste

Ca scinne sulu i giurni de le cchiù meju feste,

Ca me pijia pe’ manu cu me porta alla meta

E pe’ finire sacci, quistu ‘oiu ddicu ieu,

Pe’ mie l’amore tou ede l’unicu prufeta.

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione /  Modifica )

Google+ photo

Stai commentando usando il tuo account Google+. Chiudi sessione /  Modifica )

Foto Twitter

Stai commentando usando il tuo account Twitter. Chiudi sessione /  Modifica )

Foto di Facebook

Stai commentando usando il tuo account Facebook. Chiudi sessione /  Modifica )

Connessione a %s...