Poesia

Lu ciucciu e la capra

Lu ciucciu e la capra

 

Vincenzo Bruzzese: ASINO, 1902, olio su tela, 19,50×29,50 cm

 

E’ de quannu era ancora vagnunceddhru
ca me piacia cu guardu l’animali.
Pe quistu oiu cu ve dicu ce successe
na fiata: ve lu cuntu pari, pari:

ntra na limesa stritta e vecchiareddhra
nceran nu ciucciareddhru  e na capretta
ca se faciane tanta compagnia
de mmane  fenca a sira in armonia.

Iddhru raiava e iddhra rispunnia
cu nu belatu de malincunia
ca ulia cu dica : “cce brutta vita a mia,
sempre la stessa e senza fantasia.

Armeno tie te nessi quarche fiata
puru ca torni straccu da fatica,
ndori dell’erba verde e de frescura
ca cu la visciu, ci sape cce facia.

Io stau quai, ‘ttaccata a nu purtune
cu na catina menzu rugginuta
cu dau lu latte friscu alli vagnuni
e cu cuntentu surtantu li padruni

Lu ciucciu n’autru picca se scurnava,
quasi sintia rimorso ntra lu core,
quannu la capra dicia quiste parole,
e raiava chiù cittu e cu dolore.

Ma nu giurnu raiava cusì forte
ca me mpauru ancora cu lu pensu
tirava cauci, cercava cu se sgancia
de li lazzi, le corde e lu turmentu.

“ L’imu marchiare nforza stu ciuccciune
e cu se staie cittu sai ce ha fare?
mintili nu torchettu sullu musu
e torci, torci, ca nu ha fiatare.”

Mo lu ciucciu stia cittu, ma parlava
nvece ca cu raglia, cu lu musu
lividu e niuru cu quarche macchia viola:
tantu suffria, ca nu li ssia parola.

Ieu sintia ndoro de carne mbrustuluta,
vidia nu fierru tutto arroventatu,
lu ciucciu quietu, quietu, nu reaggia
ma de l’occhi vidivi ca suffria.

Erane gonfi comu doi palloni
senza cu sannu a ddhru lu sguardu scia.
Intanto se siantia nu stranu rusciu:
ntra n’anguleddhru la capra sta chiangia!

Dino Licci

Rispondi

Inserisci i tuoi dati qui sotto o clicca su un'icona per effettuare l'accesso:

Logo di WordPress.com

Stai commentando usando il tuo account WordPress.com. Chiudi sessione /  Modifica )

Google photo

Stai commentando usando il tuo account Google. Chiudi sessione /  Modifica )

Foto Twitter

Stai commentando usando il tuo account Twitter. Chiudi sessione /  Modifica )

Foto di Facebook

Stai commentando usando il tuo account Facebook. Chiudi sessione /  Modifica )

Connessione a %s...